Ég er stolt af vöðvunum

Katrín Tanja Davíðsdóttir er nýkrýndur heimsmeistari í crossfit. Við tekur annasamur tími, hún mun ferðast víða og verða þekktara nafn. Hún ætlar að nýta tækifærin sem bjóðast og hana dreymir um að verða íþróttafréttamaður eða leikkona.

Ég er með svo mikið keppnisskap og hef alltaf verið þannig. Allt sem ég gerði þegar ég var barn var keppni. Ég fór í kapphlaup við bróður minn að næsta ljósastaur og bjó til þrautabrautir á skólalóðum með vinunum. Í framtíðinni get ég vel hugsað mér að verða leikkona, já eða íþróttafréttamaður. Mér líður vel fyrir framan myndavélarnar. Ég fæ jákvæð viðbrögð og ótrúlega jákvæðar athugasemdir á samfélagsmiðlunum. Ég finn að það er litið upp til mín og ég geti verið góð fyrirmynd. Ég er þakklát fyrir það.