Ódýr aðgerð og skilar fljótt miklu

Ísland sótti það fast á vettvangi Sameinuðu þjóðanna fyrir nokkrum árum að endurheimt votlendis væri tæk aðgerð til að standa við skuldbindingar í loftslagsmálum. Hér heima ríkti þögn um málið þó fjölmörg rök stæðu til annars. Málið virðist loks komið á dagskrá löggjafans. Varðandi þessi framræstu svæði sem ekki eru í beinni nýtingu má spyrja sig: Hvers vegna ættum við að endurheimta svæði sem við höfum þegar kostað fjármunum til við að ræsa fram; er ekki betra að geyma svæðin í þessu ástandi? Málið er að sem aðildarþjóð að Ríó-sáttmálanum ber okkur að nýta auðlindir á sjálfbæran hátt og að „geyma“svæðin í þessu ástandi er ekki sjálfbært; svæðin losa frá sér mikið magn koltvísýrings, styðja lítt við líffræðilegan fjölbreytileika og þeim hnignar stöðugt hvað varðar frjósemi. Hlynur Óskarsson, dósent við Landbúnaðarháskólann.